Friday, October 29, 2010

ငါ မင်းကို မိုးတိမ်တွေပေါ်မှာ ချစ်မယ် (အခန်း-က-၁၀)

(၁၀)

ဝက်ဝံ ကျမဆီက ဓါတ်ပုံတောင်းပြီးတဲ့နေ့ကစပြီးတော့ နောက်နေ့တွေ သူ့ကို အတန်းထဲမှာ မျက်နှာခြင်းဆိုင်းရတိုင်း ကျမစိတ်ထဲမှာ တမျိုးချည်းပဲ၊ အူကြောင်ကြောင် ဖြစ်နေသလို ခံစားရတယ်။ သူက ကျမနောက်တည့်တည့်မှာ ထိုင်တာ တော်ကြာ အတန်းထဲမှာ စာသင်နေတုံး ကျမ ကို သူတချိန်လုံးစိုက်ကြည့်နေရင်…ကျမရဲ့ နောက်စိ ကိုတော့ သူက မြင်နေရပြီး ကျမ ကျတော့ သူ့ကို မမြင်နိုင်ဘူးလေ။ ဒါပေမယ့် သူကတော့ ပုံမှန်အတိုင်းပဲ တိတ်ဆိတ်နေပြန်ပါတယ်။ ရှေ့ကိုတလှမ်းတိုးမယ့် ပုံမျိုးလဲ နည်းနည်းမှ မပေါက်ဘူး။ အဲ့ဒီနောက်ပိုင်းရက်တွေရဲ့ မုန့်စားဆင်းချိန်ရောက်တိုင်းလဲ သူရယ်၊ စင်မင်းနဲ့ ကျောင်းက ကောင်လေးတချို့ရယ် ကျောင်း ကစားကွင်းမှာ ဘတ်စကက်ဘော ကစား နေတာနဲ့ပဲ အချိန်ကုန်နေတာပဲ။ ဝိတ်လျော့တာ အောင်မြင်သွားတဲ့ စင်မင်းကတော့ ကျောင်းမှာ ဒဏ္ဏာရီ တခုလိုလိုပါပဲ။ ကျောင်းမှာရှိတဲ့ ဝနေလို့ အရင်က စိတ်အားငယ်နေတဲ့ ကျောင်းသူဝဝလေးတွေအတွက်လဲ မျှော်လင့်ချက် မီးရှုးတိုင် ထွန်းပေးလိုက်သလိုပဲလေ။ နောက်ဆုံး နည်းနည်းလေးမှတောင်မဝတဲ့ လာဗင်းဒါးကတောင် တနေ့စာသင်နေရင်း မနေနိုင်တော့တဲ့ပုံနဲ့ စင်မင်းကိုမေးလာတဲ့အထိပါပဲ။

“လူစင်မင်း မင်းဘယ် ကာယလေ့ကျင့်ခန်းရုံ မှာ သွားကစားတာလဲ?”

“မဟုတ်ပါဘူးဆရာ၊ ဒီလိုပဲ လေ့ကျင့်ခန်းလေး ပုံမှန်လုပ်ပြီးတော့ အစားအသောက် ကိုသတိထားတာလောက်ပါပဲ။” စင်မင်းက အေးအေးဆေးဆေးပဲ ပြန်ဖြေပါတယ်။ သူ့ပုံစံ ကြည့်ရတာ ကိုယ့်ကိုယ်ကိုယ် ယုံကြည်မှုအပြည့်ရှိတဲ့ မော်ဒယ်လ် မင်းသမီးတွေ အင်တာဗျူးမှာ ဖြေနေသလိုပဲ။ ဝိတ်လျော့တယ်ဆိုတာ ဘာမှအရေးမကြီးတဲ့ ကိစ္စ လိုလို ဘာလိုလိုပေါ့။ ဖားကလေးကနေ ဘဝပြောင်းပြီး မင်းသားဖြစ်လာတဲ့ စင်မင်း က ကျောင်းမှာ နောက်ပိုင်း ကောင်မလေးတွေကြားထဲမှာ အရမ်းပေါ်ပြုလာဖြစ်လာပါတယ်။ သူမို့လို့ ကျောင်းကစားကွင်းမှာ ဘတ်စကက်ဘော ကစားပြီဆိုရင် ကျောင်း စာသင် ဆောင် အထပ်တိုင်းလိုလိုရဲ့ ဝရန်တာတွေမှာ ကောင်မလေးတွေ ထွက်ပြီး အားပေးနေ ကြတာ၊ သူ့အကြောင်း ကိုတီးတိုးတီးတိုးသဖန်းပိုးလုပ်နေကြတာတွေ တွေ့ရပါလိမ့်မယ်။ အပြင်ပုံပန်းသဏ္ဍာန် ပြောင်းလဲလာတဲ့ စင်မင်းဟာ နေ့ချင်းညချင်းမှာပဲ လူကြီးကြီး ဖြစ်လာသလိုပဲ ရင့်ကျက်တဲ့ ပုံပေါက်လာပါတယ်။ ဝက်ဝံကတော့ ခုထိ ကလေးကြီး လိုဖြစ်နေတုံးပါပဲ။ မတ်တပ်ရပ်တဲ့ အခါဆိုလဲ ဘယ်တော့မှ ခါးကို မတ်မတ် ရင်ကို ကော့ကော့ မရပ်တတ်ဘူး၊ ကြည့်လိုက်ရင်အမြဲလိုလို ခါးကကုန်းကုန်း လက်ပြင်က ကုန်းကုန်းနဲ့ မတ်တပ်ရပ်ရင်း အိပ်ဖို့ အဆင့်သင့်ဖြစ်နေတဲ့ပုံနဲ့။ ကျောင်းဝတ်စုံအဖြူ ဆိုတာလဲ သူဝတ်လိုက်မှဖြင့် နွမ်းဖတ်ဖတ်ဖြစ်နေတာယူမလား၊ ခုမှ ချောင်ကနေတိုးထွက် လာသလို ညစ်တီးညစ်စုတ် ဖြစ်နေတာ ယူမလား ဆိုတဲ့အထဲကပါပဲ။ အစာစားရင်လဲ ဘာပဲစားစား အမုန်အမွှား ဒါမှမဟုတ် အကွက် အစွန်းတွေက မျက်နှာပေါ်မှာ ကျန်နေတာ ယူမလား၊ ပခုံးပေါ်မှာ ကျနေတာ ယူမလား၊ အင်္ကျီမှာ ပေနေတာယူမလား။ သူ့ရဲ့ လွယ်အိတ်ဆိုတာကလဲ လေးလိုက်တာဆိုတာ ကျောက်တုံးတွေထဲ့ထားသလား မသိဘူး စားပွဲပေါ်ပစ်တင်လိုက်ရင် “ဒုတ်”ကနဲ မြည်တတ်သေးတယ်။ ကြည့်ရတာ တခါမှ လွယ်အိတ်ဆိုတာကို မရှင်းဘူးဘူးထင်တယ်။ ပြီးတော့ သူ့မှာ ခြေထောက် တုတ်တုတ် တစုံရှိသေးတယ်။ ဖိနပ်တွေဆိုတာ ဘယ်လောက်တောင်ကြီးသလဲဆိုရင် ငှက်ကလေး တသိုက်လောက်တော့ ကောင်းကောင်းမွေးလို့ရတယ်။ ဖိနပ်ကြိုးဆိုတာလဲ ဘယ်တော့မှ သေချာမချည်တတ်ဘူး၊ လျော့တိလျော့ရဲနဲ့ အမြဲ။ ဘက်စကက်ဘော ကစားတဲ့အခါဆိုရင် ခေါင်းက စုတ်ဖွား ချွေးသံတရွှဲရွှဲနဲ့ ဘောလုံး ကို ကြမ်းကြမ်းတမ်းတမ်းပုတ်ပြီး ဟိုပြေးဒီပြေးလုပ်တတ်တယ်။ တခါတလေ အဲလိုပြေးနေရင် သူ့ရဲ့ အမွှေးအမျှင်တွေများတဲ့ ခြေသလုံးတစုံ ကလဲပေါ်ပေါ်လာတတ်သေးတယ်။ ဘောလုံး ကိုခြင်းထဲ ခုန်ပြီး ပုတ်ထည့် တဲ့ အခါများဆိုရင်လဲ ဘယ်တော့မှ စင်မင်းလို ဘာသိဘာသာ ပုတ်ထည့်နေရင်းနဲ့ ခပ်မိုက်မိုက်စတိုင်လ် မျိုး လာအောင် မပုတ်တတ်ဘူး။ စင်မင်းရဲ့ ဘေးမှာ နေရင် သူတို့နှစ်ယောက်က အဲ့လိုမျိုးကို ကွာခြားတာပါ။

အဲ့တာ ဝက်ဝံ အစစ်တဲ့လား? သူငယ်ချင်းအတွက် နွားနောက်ကောင်ကို အန္တရာယ် ရှိမှန်း သိရက်နဲ့ လမ်းလွှဲပေးတဲ့ ဝက်ဝံဆိုတာလေ…? အင်း တခုခုတော့ ရှိရမယ်။

5 comments:

  1. Hey Dear Addy,
    A yan Westernize pyit dae naw .... My Lover wrote about my Nights!!! lo myo pae lar hin ?
    Taw lite dar.... nae nae read pee tot taung attraction shi lite dar.... ma nae lite ya dae thi lar.... but I lae unforseen yaw forseen par tway pee read dar pop naw.. ( ma hote yin nga tone lo pyaw mar soe lo par )...
    Thanks for sharing your novel...I love it.....
    A yan ko taw dae naw.... ta kae pyaw dar...
    Chit chin myar swar pyit,
    Diamond

    ReplyDelete
  2. တီ ဒီတပိုင်းက နည်းနည်းတိုတယ်နော်
    လာဖတ်တယ်။း)

    ReplyDelete
  3. ဟုတ်တယ် မဂျူရေ
    ဒီအပိုင်းတွေက နည်းနည်းတိုတယ်
    ဒါပေမယ့် တီ က သူ့အတိုင်းပဲ ပြန်ထားတာ

    ReplyDelete
  4. ဟမ်...ဆက်ဦးလေ...
    မပြီးသေးဘူးမလား။
    တ၀က်တပြတ်နဲ့... :(

    ReplyDelete
  5. အမ် ဟုတ်တယ် ပစ်ထားတာကြာပေါ့
    ဆေးရုံးတက်မှ ဆက်ရေးဖြစ်တော့မယ် နေမကောင်းအောင် ဆုတောင်းပေးလေ
    အမ်......

    အလကားပြောတာပါ
    တဝက်တပြတ် လုပ်ထားတာ နှစ်ပုဒ်ရှိပြီ
    ငါမင်းကိုတိမ်တွေပေါ်မှာရယ်

    သက်တံ့တွေရဲ့အဆုံးမှာရယ်

    ReplyDelete