Thursday, September 9, 2010

စိတ်ညစ်စရာတွေကို…xxx… အတွက်ပဲ ထားလိုက်ပါ

စိတ်ညစ်စရာတွေကို…xxx… အတွက်ပဲ ထားလိုက်ပါ

တခါတလေ အဖြစ်မှန်တွေက ဒီလိုဖြစ်နေတတ်တယ်။ ကိုယ်ချစ်နေတဲ့လူက တယောက်၊ ကိုယ်နဲ့ ဘာမဆိုမပြောတာ မရှိဘူးဆိုပြီး ပွင့်ပွင့်လင်းလင်း ကိုယ့်ဘဝမှာ ဖြစ်ပျက်သမျှ ကိစ္စ အကုန်လုံးပြောလို့ရတဲ့ စိတ်ချင်းရင်းနှီးတဲ့ သူက နောက်တယောက်။ အဲ့လိုအဖြစ်မျိုး စာဘတ်သူ ကြုံဖူးလား…?

အဲ့ဒီ ဘာမဆိုပြောလို့ ရတဲ့ လူကို ကိုယ်တို့ တွေ ချစ်မလာမိခဲ့ဘူး၊ အဲ့လိုပဲ အပြန်အလှန် အနေ နဲ့ ကိုယ်ချစ်တဲ့ သူကိုလဲ ဟိုတယောက်လိုမျိုး ဘာမဆိုပြောလို့ရတယ်ဆိုတာမျိုးဖြစ်မလာခဲ့ဘူး။

လူနှစ်ယောက် စွယ်တော်ရွက်တရွက်လို နှစ်ကိုယ့်တစိတ် နှစ်ရွက်တဘဝ ချစ်နေကြတဲ့ အချိန် မှာ ကိုယ့်ဘဝရဲ့ ဘယ်လိုကိစ္စမျိုးကိုမဆို ချစ်တဲ့သူကို ဖွင့်ဟပြောဆိုတိုင်ပင် ချင်တတ်ကြ တယ်။ နောက်မှ ကိုယ်တို့တွေ ဘာကို သင်ယူလာမိသလဲဆိုတော့ တချို့ကိစ္စတွေ ကို ကိုယ့်ချစ်သူ ကိုပြောလို့ရပေမယ့် တချို့ ပြောလို့မရတာတွေ ရှိလာတယ်။ ဘာလို့လဲဆိုတော့ တချို့ကိစ္စတွေကို သူကမနာလိုဖြစ်တတ်ပြီးတော့၊ တချို့ကိစ္စတွေကို သူက စိတ်ပူတတ်တယ်။ တချို့ ကိစ္စတွေကျတော့ သူ့ကို ရှင်းပြဖို့ လိုပြန်တယ်။ အကြောင်းပြချက်တွေ ပေးရမယ်။ တခါတခါမှာ လူတွေ ရဲ့ အမြင်တွေက မတူတတ်တဲ့ အတွက် အဲ့လို ကိစ္စတွေကြောင့်ပဲ သဘောထားကွဲလွဲ တတ်ကြတယ်။ နောက်ဆုံး ကုန်ကုန်ပြောရရင် ရန်ဖြစ် စကားများကြတဲ့ အထိတောင်ဖြစ်နိုင်တယ်။

တခါတလေ ချစ်သူနဲ့ ကိုယ်နဲ့ ကြားမှာ ဖြေရှင်းလို့ မရတဲ့ ပြဿနာသေးသေးလေးတွေ ရှိနေ တတ်တယ်ဒ အဲ့လို အခါများစွာမှာ ကိုယ်တို့တွေဟာ ကိုယ်တို့ ရဲ့ အယုံကြည်ရဆုံး အချစ်ဆုံး အခင်ဆုံး သူငယ်ချင်း ဆီကိုပဲ သွားရင်ဖွင့် ရတာပဲမှလား။ ချစ်တဲ့ သူကိုပြောရင် အမြင်မတူလို့ အစကဖြစ်နေတဲ့ ပြဿနာသေးသေးလေးကပဲ ခုနက ပြောတဲ့ မတူတဲ့ အမြင်တွေကြောင့် ပြဿနာ အကြီးကြီး ဖြစ်သွားနိုင်သေးတယ်လေ။

မတူညီတဲ့ တမိသားနဲ့ တမိသားကနေ လာတဲ့ လူနှစ်ယောက် သမီးရည်းစား (သားရည်းစား) တွေဖြစ်ကြတယ်ဆိုတာ တယောက်ကို တယောက် ချစ်မိသွားလို့ပါ။ နှစ်ယောက် အကြား အာဝါဟ ဝိဝါဟ လို အချစ် တဏှာ ကာမ ပါတဲ့ စိတ်တွေလဲရှိကြမှာပေါ့။ ဒါပေမယ့် နှစ်ယောက် စလုံး အရာရာ မှာ ခံစားချက် အမြင် သဘောထား တူကြမယ်လို့တော့ မျှော်လင့်လို့မရဘူးလေ နော်။ အဲ့လိုပဲ ကိုယ်ချစ်မိတဲ့ သူကလဲ အရာရာ ကို ပွင့်ပွင့် လင်းလင်း ရင်ဖွင့် တိုင်ပင်နိုင်မယ့် သူ (တိုးတိုးဖော်) ဖြစ်မယ်လို့ ပြောလို့မရဘူးလေ။

တကယ်တော့ တမိသားတယောက်နဲ့ ဘာမဆို ဖွင့်ဟ တိုင်ပင်လို့ ရတဲ့ သူငယ်ချင်းကောင်း တိုးတိုးဖော် ဖြစ်ခွင့်ရတာလဲ တကယ်တော့ မလွယ်ပါဘူး။ ဘာလို့လဲဆိုတော့ သူငယ်ချင်းတွေ အများကြီးကြားမှာမှ သူကကိုယ့်အတွက် အကောင်းဆုံး နားထောင်ပေးနိုင်တဲ့သူ ဖြစ်လာ တယ်လေ။ သူက ကိုယ့်ကို မနာလို အူတို သဝန်တို ဖြစ်မှာ ကိုလဲ မပူရဘူး။ သူနဲ့ ကိုယ် အမြင်မတူ သဘောထားမတူတဲ့ အတွက် ရန်ဖြစ်မှာလဲ မပူရဘူး။ ပြဿနာ တခုအပေါ် မတူတဲ့ ရှုထောင့်ကနေ မြင်တတ်တဲ့ သူရဲ့ အမြင်တွေ တွေကိုလဲ မင်းက အရမ်း တန်ဖိုးထားတယ်၊ သူကလဲ မင်းရဲ့ မတူတဲ့ အမြင်တွေ ကို ခင်ခင်မင်မင်နဲ့ပဲ ချစ်ချစ်ကြည်ကြည် နားထောင်ပေး နိုင်တယ်။ ဒါပေမယ့် နှစ်ယောက်ကြားမှာ ဒီလောက် ချစ်သူချင်းတွေ မှာတောင် မရှိနိုင်တဲ့ နားလည်မှုမျိုး ရှိနေရက်သားနဲ့တောင် မင်းတို့ နှစ်ယောက် စလုံး ကုတင်တခုထဲမှာ အိပ်ချင်တဲ့ ဆန္ဒမျိုး တစေ့ ကလေးမှတောင် မဖြစ်ပေါ်လာခဲ့ဘူး။ အချစ်ဆန်တဲ့ ရင်ခုန်ခြင်းမျိုးလဲ မရှိလာခဲ့ဘူး။ မီးပန်းဆန်တဲ့ ဓါတ်ပြုချင်းမျိုးလဲ မဖြစ်လာခဲ့ဘူး။

ကိုယ့် စိတ်ကို အသိဆုံးလူ နဲ့ ကိုယ်ရဲ့ ချစ်သူ ဆိုတာ အဲ့လောက်နည်းနည်းကလေးပဲ ကွာခြားမှု ရှိတာပါ။ အတ္တနည်းနည်းလေး ထပ်ဖြည့်ပြောရရင် ကိုယ်တို့တွေဟာ စိတ်ညစ်စရာ ကိစ္စတွေ နဲ့ ပြဿနာတွေကို ကိုယ့်စိတ်ကို အသိဆုံးသူ (သူငယ်ချင်းကောင်းလဲ ဖြစ်ချင် ဖြစ်မယ်) အတွက်ထားတတ်ကြပြီးတော့၊ အချိန်တွေ နဲ့ နွေးထွေးမှု တွေကိုတော့ ကိုယ့်ချစ်သူ အတွက် ထားတတ်ကြပါတယ်။ ချစ်သူဆိုတာ ကိုယ့်ကို ချစ်ဖို့ ကြင်နာဖို့ အဖော်ပြုဖို့ပါ။ ကိုယ့်စိတ် ကို အသိဆုံးသူကတော့ ကိုယ့်ရဲ့ ပြဿနာပေါင်း သောင်းခြောက်ထောင်ကို နားထောင်ပေးဖို့၊ ကိုယ်နဲ့ အတူတူ အဖြေကူရှာပေးဖို့၊ ကိုယ်လိုအပ်တဲ့ အချိန်မှာ ကိုယ့်ကို အားပေးဖို့ စသဖြင့်ပေါ့လေ။ ချစ်သူဆိုတာကတော့ ဘဝရဲ့ လက်တွဲဖော်ပေါ့။ စိတ်ချင်းနီးစပ် ရင်းနှီးတဲ့ သူကျတော့ ဘဝမှာ အဲ့လောက် နည်းနည်းလေးပဲ ပိုဝေးတဲ့ အကွားအဝေး ရှိနေ တယ်။ ဒါပေမယ့် အဲ့ဒီ အကွာအဝေး နည်းနည်းလေးက ပဲ ကိုယ်တို့ နှစ်ယောက်ကို ဘဝမှာ ဘာမဆို ပြောလို့ ရတဲ့ နီးစပ်ခြင်း ကိုပေးတယ်လေ။

A Chen
4:35 AM
7th September 2010
Tuesday
Home
Bangkok

3 comments:

  1. တီ ခုတလော ရေးတာတွေ အင်း..
    ကိုယ်နဲ့ တော်တော် တိုက်ဆိုင်နေတယ်ဗျ။
    ခက်သားလား။

    စကားမစပ်။ ဘာသာပြန်က ရပ်သွားပလား။

    ReplyDelete
  2. ရေးပါ့မယ် ကြီးတော်ရယ်
    ခုတလော မအားလို့ ပါ
    အမှန်ကတော့ အလကားပြောတာ
    နေ့တိုင်း ပိုစ့်တွေ ရေးနေတာပဲ
    ကျုပ်ဘာသာပြန် နှစ်ခု ရှိတယ်လေ
    ဘယ်ဟာကိုပြောတာလဲ
    ဟို ဆရာ လာဗင်ဒါးလား အဲ့တာကို ရှင်တယောက်ပဲ ဘတ်တယ်ထင်တယ် ဟိဟိ

    ReplyDelete
  3. ဟုတ်တယ်။ အဲဒါ။
    တကယ်ကောင်းတာ မသိကြသေးလို့နေမှာပါ။ :P

    ReplyDelete