ချစ်ရတဲ့ မေမေရေ…..

ချစ်ရတဲ့ မေမေရေ…..

မှတ်မိသေးလား ကျွန်တော် သုံးနှစ်သားတုံးကလေ။ ပြောခဲ့ဖူးတဲ့ဟာသလေးကိုမေမေ မှတ်မိသေးလား? အဲဒီတုံးက မေမေ့ကို ‘‘မိခင်’’ ဆိုတာဘာလဲ လို့ ကျွန်တော် မေးခဲ့တော့
‘‘မိခင်’’ ဆိုတာ မေမေ လို့ နောက်တစ်မျိုးခေါ်တာ လို့ မေမေ ကပြန်ဖြေတယ်လေ။

အဲဒီတော့ အနားမှာရှိနေတဲ့ ဖေဖေ က မေးတယ်။ ။
‘‘ ဖေဖေ့ ကိုရော နောက်တစ်မျိုးဘယ်လိုခေါ်လို့ရသလဲ?’’ ဆိုတော့
ခဏ စဉ်းစားပြီး ကျွန်တော် က ‘‘ဖိခင်’’ လို့ပြန်ဖြေတော့
ဖေဖေ နဲ့ မေမေ ဆိုတာ ရယ်လိုက်ကြတာ။ တော်တော်နဲ့မရပ် ဘူးလေ။
တွေ့တဲ့လူတိုင်း ကို ကျွန်တော်ရဲ့ကလေးဆန်တဲ့ ဟာသလေးကိုပြောပြောပြရတာအမောလေ။

ဒီနေ့မေမေ့ ကိုလွမ်းလိုက်တာ။ ဟိုး ငယ်ငယ် ကလေးဘ၀တုံးကလို
လက်ကလေးနှစ်ဘက် ကိုတောင်ပံတွေလိုဖြန့်ပြီးတော့ မေမေ့ရင်ခွင်ထဲ ကို
အဝေကြီးကနေပြေးလာပြီးတော့ ခိုဝင်ချင်လိုက်တာလေ။
ပြီးတော့ မေမေ့ကိုလွတ်ထွက် မသွားအောင် တင်းတင်းလေးဖက်ထားမယ်လေ။

မေမေရေ ပြတင်းပေါက်အပြင်ဘက် မှာ နေမင်းကြီးက သာလိုက်တာ
လေပြေတွေ ကလဲဖြေးဖြေးလေး ပြေးဆော့လို့
ကျွန်တော် နွေးနွေးလေးနဲ့ ပျော်နေတယ် ချိုမြိန်တဲ့ အချိန်လေးတွေပါပဲ
မေမေ ဘယ်ကိုရောက်နေနေ……..နွေဦး လိုထာဝရ
ချိုမြိန် ပျော်ရွှင်ပါစေ။ ။

မေမေ့ ချစ်သားလေး
အောင်မျိုး
၁ လပိုင်း၊ ၁၄ ရက်နေ့။

စာကြွင်း

ကျွန်တော့်ရဲ့ ‘‘ဖိခင်’’ ကြီးလဲ စိတ်သွားတိုင်း ကိုယ်ပါပြီး ရောက်ရာအရပ်မှာ ကျန်းမာပျော်ရွှင်ပါစေ။