သက်တံ့ တွေရဲ့အဆုံးမှာ အခန်း (၂)

အခန်း (၂)

သို့

မစ္စတာ ဘာနီ

ဧပရယ်လ ၈ ရက်နေ့ မနက်ဖြန် ကျရင် ကျမ သား အဲလက်စ် ဒီနေ့ သွားဆရာဝန်နဲ့ ချိန်းထားတာ ရှိလို့ ကျောင်းလာနိုင်မှာ မဟုတ်ကြောင်း ခွင့်တိုင်ချင်ပါတယ်။

စန္ဒရာ စတူးဝပ်

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

သို့

မစ္စ ကွန်း

မနက်ဖြန် ဧပရယ်လ ၈ရက်နေ့ မှာ ကျမ သမီးလေး ရိုစီ ကျောင်းမတက်နိုင်တဲ့အတွက် ခွင့်တိုင်တာပါ။ သူ ဆရာဝန်နဲ့ ချိန်းထားတာရှိလို့ပါ။

အဲလစ် ဒွန်း

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

ရိုစီ

နင့်ကို ငါ မနက် ၈ နာရီ ခွဲ ကျရင် အိမ် ဟိုဘက်အကွေ့လေးနားမှာ တွေ့မယ်။ ပြီးတော့ လဲစရာအင်္ကျီတွေ အပိုထည့်လာဖို့မမေ့နဲ့နော်။ ငါတို့ ကျောင်းဝတ်စုံတွေနဲ့လျောက်သွားနေလို့ မဖြစ်ဘူး။ ဒီနေ့ ဟာ နင့်ဘဝအတွက် တကယ့်ကိုအမှတ်တရ ဖြစ်ကျန်မယ့် အကောင်းဆုံး မွေးနေ့လေး ဖြစ်စေရမယ်လို့ ငါအာမခံတယ် ရိုစီ ဒွန်း။ ငါ့ကိုယုံစမ်းပါ။ ဟီးဟီး ငါတို့ ဒီလိုလွယ်လွယ်နဲ့ လစ်လို့ရမယ် ဆိုတာ ငါအခုထိမယုံနိုင်သေးဘူး။

အဲလက်စ်

စာကြွင်း။
၁၆ နှစ်ပြည့်ပြီ ဟုတ်လား
ချီးမှပဲ…..

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

သူတော်စင် ဂျိမ်းစ် ဆေးရုံး
ဧပရယ်လ ၁၀ ရက်နေ့

သို့

မစ္စတာ နှင့် မစ္စက် ဒွန်း

စာအိတ်ပါ ငွေလက်ခံဖြတ်ပိုင်း ဟာ ဧပရယ်လ ၈ရက်နေ့က လူကြီးမင်းတို့ သမီးလေး ရိုစီ ဒွန်း ကို အစာအိမ်ဆေးပေးခ ငွေလက်ခံဖြတ်ပိုင်းဖြစ်ပါတယ်။

သင့်ရဲ့ စစ်မှန်သော
ဒေါက်တာ မောင့်ဂိုမာရီ

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

ရိုစီရေ….

နင့်အမေက အိမ်ရှေ့မှာ အစာ ၇လ မစားရသေးတဲ့ ကင်းစောင့်ခွေးတကောင်လို ဒေါသတကြီး စောင့်နေတယ်။ ကြည့်ရတာ နောက် ၁၀နှစ်တောင် နင့်ကို ငါထပ်တွေ့ရတော့မယ်မထင်ဘူး။ နင့်ရဲ့ နင်သိပ်ချစ်တဲ့(တယ်မထင်) ချစ်မမကြီး ကနင့်ဆီကို ဒီစာလေးပေးပေးဖို့ သဘောတူ လိုက်တယ်ဟ။ နင်သူ့ကို ဒီတခါတော့အကြွေးတင်သွားပြီပေါ့ဟာ။

ဟိုတနေ့က ကိစ္စအတွက် စိတ်မကောင်းပါဘူးဟာ။ နင်မှန်တယ်ပဲထားလိုက်ပါတော့။ ငါတို့ တက်ကီလာ မသောက်သင့်ဘူး။ သနားစရာ ဆိုင်ရှင်တော့ ငါတို့ကိုရောင်းလိုက်တဲ့အတွက် ဆိုင်တောင် ပိတ်ရမလားမသိပါဘူး။ ငါ့သူငယ်ချင်း ငါတို့ နှစ်ယောက်အတွက် လုပ်ပေးတဲ့ မှတ်ပုံတင်အတုတွေက အိုကေပါလိမ့်မယ်လို့နင့်ကို ငါပြောသားပဲမှလား။ တခုပဲ နင့် မှတ်ပုံတင် မှာ မွေးရက်က ဖေဖော်ဝါရီလ ၃၁ ရက်ဖြစ်နေတယ်။။ ဟိဟိ။

အဲ့ဒီနေ့က ကိစ္စတွေနဲ့ ပတ်သက်ပြီး နင်မှတ်မိတာရှိသေးရင် ငါ့ဆီစာရေးပါအုံးဟာ။ နင့်အစ်မ စတက်ဖနီ ကို ကြားကနေ စာတွေပို့ခိုင်းဖို့ စိတ်ချရပါတယ်။ သူကျောင်းထွက်ချင်တာ ထွက်ခွင့် မပေးလို့ နင့်အမေ ကို သူက စိတ်ကောက်နေတော့ ငါတို့ ကိုကူပါလိမ့်မယ်။ ဖီးလ် နဲ့ မာဂရက် ကသူတို့ မှာ နောက်ကလေးတယောက်ရနေပြီလို့ ကြေညာလိုက်တော့ ငါအခုဆိုရင် နှစ်ထပ် ကွမ်း ဦးလေးဖြစ်ပြီပေါ့ဟာ။ ဘာပဲ ပြောပြော အဲ့သတင်းက ငါ့အပေါ်တော့ စောင့်ကြည့်နေတာ တွေလျော့ သွားစေတယ်ဟ။ ဘာပဲပြောပြော အပြောင်းအလဲလေးတော့ဖြစ်တာပေါ့လေ။ ဖီးလ်ကတော့ နင့်နဲ့ ငါ လုပ်ခဲ့တာတွေအတွက် ရယ်ချည်း နေ တော့တာပဲ။ လွန်ခဲ့တဲ့ ၁၀ နှစ်လောက်က သူ့ကိုယ်သူ ပြန်မြင်ရလို့တဲ့လေ။

နေမြန်မြန်ပြန်ကောင်းလာပါစေ အရက်သမလေးရေ။ နင်သိလား အရင်က လူသားတွေရဲ့ မျက်နှာ ဟာ ဘယ်တော့မှ အစိမ်းရောင်မဖြစ်သွားနိုင်ဘူးလို့ ငါထင်ထားခဲ့တာဟ။ ကြည့်ရတာ နင်က နင်ဘယ်နေရာမှာ ဘယ်လို တော်တယ်ဆိုတာ ရှာတွေ့သွားပြီထင်တယ် ရိုစီမရေ….
ဟားဟားဟား…..

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

အဲလက်စ် (သောက်ကောင်စုတ်)

ငါသေတော့မယ်ဟဲ့။ ငါ့ခေါင်းကို တူနဲ့ တယောက်ယောက်က ထုနေသလိုပဲ။ ငါ့ဘဝ တလျောက်လုံးမှာ ငါတခါမှ ဒီလောက်ခေါင်းကိုက်ပြီး ဒီလောက်နေမကောင်းမဖြစ်ဘူးသေးဘူး။ မေမေ နဲ့ ဖေဖေ ကတော့ အကြီးအကျယ် ဒေါသတွေထွက်နေတာပေါ့။ တကယ်ပြောတာ နောင်ကို နင့်ကို ဒီအိမ်မှာ ဘယ်တော့မှ လက်ခံတော့မှာ မဟုတ်ဘူး။ ငါ့ကို လဲသူတို့ က အိမ်ထဲမှာ အသက် ၃၀ အထိ အကျယ်ချုပ်နဲ့ ထားကြတော့မှာ။ ပြီးတော့ နင့်နဲ့ တွေ့ခွင့်ကိုလဲ ပိတ်ပင် လိုက်ပြီတဲ့။ ဘာလို့လဲဆိုတော့ နင်က ငါ့အတွက် မကောင်းတဲ့ အပေါင်းအသင်း မို့လို့တဲ့လေ။ ဘာပဲဖြစ်ဖြစ် ခေါက်ထားလိုက်ပါ။

ဘယ်လိုပဲဖြစ်ဖြစ်ပါ မနက်ဖြန်ကျတော့ ကျောင်းမှာ နင့်ကို ငါတွေ့ရအုံးမှာပဲ။ အင်း တကယ်လို့ သူတို့က ငါ့ကို ကျောင်းသွားခွင့်ပါပိတ်ပင် လိုက်မယ်ဆိုရင်တော့ တမျိုးပေါ့။ ဒါပေမယ့် အဲ့သလိုဆိုလဲ ငါ့အတွက်က ကိစ္စမရှိပါဘူး။ ပိုတောင်ကြိုက်သေး။ ဟဲ့ တနင်္လာနေ့မနက်ကျရင် သင်္ချာ ချိန်က နှစ်ချိန်တောင်နော် သင်္ချာ (၁) ကော သင်္ချာ (၂) ကော။ ငါတော့ ဖြစ်နိုင်ရင် ငါ့ရဲ့ အစာအိမ်ကိုသာ နောက်ထပ် ၅ ခါလောက် ထပ် အဆေးခံလိုက်ချင်တော့တာပဲ။ အိုကေဟာ။ တနင်္လာနေ့ကျမှတွေ့မယ်။

ဟဲ့ စကားမစပ် နင်မေးထားတာ ကိုဖြေရမယ်ဆိုရင်…….
အဲ့ဒီနေ့ ညက ရွံစရာကောင်းတဲ့ ဘား ကြမ်းပြင်ပေါ်မှာ ငါ့မျက်နှာ ရိုက်မိတာရယ်၊ ကြယ်တွေ လတွေမြင်ပြီး မျက်လုံးတွေ ပြာထွက်သွားတာရယ်၊ ဥသြသံအကျယ်ကြီးတွေရယ်၊ အရှိန်နဲ့ အမြန်မောင်းနေတဲ့ ကားတွေရယ်၊ သေလောက်အောင် အန်နေရတာရယ်တွေကလွဲရင် ငါတော့ ဘာမှသိပ်မမှတ်မိတော့သလိုပဲ။ ငါထင်ပါတယ်လေ အဲ့တာ ဆိုကုန်လောက်ပါပြီ။ ငါမသိသေးတာ များ ရှိသေးသလား?

ရိုစီ

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

သို့

ရိုစီ

နင့်ဘက်မှာ အစစ အရာရာ အခြေအနေ ကောင်းတယ်ဆိုတဲ့အတွက် ဝမ်းသာပါတယ်။ အိမ်မှာ လဲအမေ နဲ့ အဖေ က ငါ့ကို ရေလည်ကွိုင်နေတယ်ဟ။ တနေကုန်ပွားနေတာပဲဟာ။ ငါတော့ ကျောင်းတောင်မြန်မြန်ပြန်တက်ချင်နေပြီ။ အနည်းဆုံးတော့ နားပူတာ သက်သာမယ်မှလား။

မှ
အဲလက်စ်

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

သို့
မစ္စတာ နှင့် မစ္စက် ဒွန်း

လူကြီးမင်းတို့ရဲ့ သမီးလေး ရိုစီ ရဲ့ လတ်တလော အပြုအမူတွေနဲ့ ပတ်သက်ပြီး တိုင်ပင်ဖို့အတွက် ကျတော်တို့ လူကြီးမင်းတို့နဲ့ ချက်ချင်း အရေးပေါ်အစည်းအဝေး ထိုင်ချင်ပါတယ်။ သူ့ ရဲ့ လတ်တလော အပြုအမူတွေနဲ့ ပတ်သက်ပြီး သင့်တော်တဲ့ အပြစ်ဒဏ်ပေးဖို့ ကိုလဲ သဘောတူညီမှု တခုခုရတဲ့အထိ ဆွေးနွေးရပါလိမ့်မယ်။ ဒီကိစ္စရဲ့အရေးကြီး ပုံကို လူကြီးမင်းတို့ လဲသဘောပေါက်ကြလိမ့်မယ်ထင်ပါတယ်။ အဲလက်စ် စတီးဝပ်ရဲ့ မိဘတွေလဲ အစည်းအဝေးမှာ ပါပါလိမ့်မယ်။
တနင်္လာနေ့မနက် ၉ နာရီကို စည်းဝေးကြဖို့ ပြင်ဆင်ထားပါတယ်။

သင့်ရဲ့စစ်မှန်သော
မစ္စတာ ဘိုဂါတီ
ကျောင်းအုပ်

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

မှ = ရိုစီ
သို့ = အဲလက်စ်
အကြောင်းအရာ = ကျောင်းမှ ခေတ္တခဏ ရပ်နားခြင်း

ဘုရားရေ၊ ချီးတဲ့မှပဲ။ အဲ့ဒီ အဘိုးအို ဘွတ်ဂီကြီးက ငါတို့ ကို ကျောင်းကနေ ခဏနားခိုင်းမယ် ဟုတ်လား။ မယုံနိုင်စရာပဲ။ သူပြောနေတဲ့ ပုံစံက ငါတို့ကပဲ ပုဆိန် တလက်နဲ့ လူလိုက်သတ် နေတာကျနေတာပဲ။ ဘုရားရေ ဒီဟာက ကမ္ဘာ့အကောင်းဆုံ အပြစ်ပေးနည်းပါပဲလား။ ကျောင်းမသွားရတော့တဲ့အတွက် ငါကတော့ အိပ်ရာထဲမှာ တပတ်လုံးကို နှပ်ပြီး အရက်နာ ကျတာ ကိုဖြေပစ်လိုက်အုံး မယ်။ တယ်ကောင်း ဟာဟ။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

မှ = အဲလက်စ်
သို့ = ရိုစီ
အကြောင်းအရာ = ငါ ငရဲကျနေပြီ

ဘဝ ကနင့်အတွက် သိပ်သိပ် သာယာနေတဲ့အတွက်ဝမ်းသာပါတယ်။ နင့်ဆီကို ငါ ကမ္ဘာ့ စိတ်မချမ်းသာစရာအကောင်းဆုံးနေရာကနေ အီးမေးလ်ရေးနေတာ။ ရုံးတဲ့။ ငါတပတ်လုံးလုံး ဖေဖေနဲ့ အတူ ရုံးမှာ ကူရမတဲ့လေ။ ချီးထုပ်တွေကို ဖိုင်စီပြီးတော့ တံဆိပ်ခေါင်းတွေကို လျှာနဲ့ ယက်ပြီး တံတွေး ဆွတ်ရမယ်တဲ့။ ငါဘုရား အဆူဆူမှာ တခါတည်းကျိန်စာ ဆိုလိုက်မယ်။ ငါ့ဘဝမှာ ဘယ်တော့မှ “ဘယ်တော့မှ” ရုံးခန်းဆိုတဲ့နေရာ မှာတသက်လုံး အလုပ်မလုပ်ဘူး။ ပြီးတော့ ဘိုးတော်က ငါ့ကို လုပ်အားခလဲမပေးဘူး။ ချီးလိုမှပဲ။
ရေရေလည်လည်အီးတင်းနေတဲ့ အဲလက်စ်။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

မှ=ရိုစီ
သို့ =အဲလက်စ်
အကြောင်းအရာ=ရေရေလည်လည်အီးတင်းနေတဲ့ အဲလက်စ်။

ဟားဟားဟားဟားဟားဟားဟားဟား….ငါဘာရေးမလို့လဲဆိုတာ ငါမေ့သွားပြီ။ အော်…..သတိရပြီ …. ဟားဟားဟားဟားဟားဟားဟားဟား…. ဟားဟားဟားဟားဟားဟားဟားဟား…. ဟားဟားဟားဟားဟားဟားဟားဟား…. ဟားဟားဟားဟားဟားဟားဟားဟား…. ဟားဟားဟားဟားဟားဟားဟားဟား….
အချစ်များစွာဖြင့် နူးညံ့စွာနွေးထွေးမှုနှင့်ပြည့်စုံနေသော အိပ်ချင့်ဖွယ်ရာ ပျော့အိအိ မွေ့ယာပေါ်မှာ ချစ်စဖွယ် ရိုစီလေး စာပြန်လိုက်သည်။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

မှ = အဲလက်စ်
သို့ = ရိုစီ
အကြောင်းအရာ = ငပျင်းမ

ငါလုံးဝ သောက်ဂရုမစိုက်ပါဘူး။ ရုံးခန်းထဲမှာ ရေရေလည်လည် “လန်း” တဲ့ ဆော်တပွေ အလုပ်လုပ်နေတယ်။ ငါ သူ့ကို ယူမှာ ငှဲငှဲငှဲ။ ကဲ အခု ဘယ်သူ ရယ်ရမယ့်အလှည့်ပါလိမ့်?

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

မှ = ရိုစီ
သို့ = အဲလက်စ်
အကြောင်းအရာ = နှာဘူးကောင်

သူက ဘယ်သူလဲ?
မိန်းမချင်းမကြိုက်သူ မှစာပြန်လိုက်သည်။ ထို့ကြောင့် လုံးဝ လုံးဝ မနာလိုမဖြစ်မိပါ။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

မှ = အဲလက်စ်
သို့ = ရိုစီ
အကြောင်းအရာ = မိန်းမချင်းမကြိုက်သူတဦးထံသို့

လောလောဆယ် အတော်အတွင်း အထက်ပါ အတိုင်း သင့်အား ခေါ်ဆိုချင်းအားဖြင့် သင်သည် ထိုမှတပါး မိန်းမချင်းကြိုက်နှစ်သက်သူမဟုတ်ကြောင်း နောက်နောင် သက်သေ မပြနိုင်သေးခင်ကာလအထိ အကျွန်ုပ် သင့်ကို ပြက်ရယ်ပြုပါမည်။
သူမ သည် ဘက်တနီ ဝီလျံ ဟုခေါ်ဆိုသော အသက် ၁၇ ရှိပြီးဖြစ်သော အရွယ်ရောက် အမျိုးသမီးတဦးဖြစ်ပါသည်။ သူမတွင် အလွန်ကြီးမား၊ ပြီးပြည့်စုံ၊ လှပသော ရင်သားတစုံနှင့် အကျွန်ုပ် မြင်ဖူးသမျှ မိန်းမတကာတို့တွင် အရှည်ဆုံးသော ခြေတံလှလှ များရှိပါသည်။
လိင်နတ်ဘုရားမှ စာပြန်လိုက်သည်။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

မှ = ရိုစီ
သို့ = အဲလက်စ်
အကြောင်းအရာ = မစ္စတာ လိင်နတ်ဘုရား (အော့ အော့ အဟွတ် ဝေါ့ အော့ အော့)

ကြားရသမျှကတော့ဖြင့် ကုလားအုတ်မ လိုလိုပါပဲလား။ သူမက သိပ်သိပ် သဘောဖြူသူ (မည်းပုပ်ပုပ်) ဖြစ်မယ်ဆိုတာ သေချာပါတယ်။ နင် သူ့ကို နှုတ်ဆက်စကားတခွန်းတော့ ပြောပြီးရောပေါ့နော်။ ဒါမှမဟုတ် နင့်ရဲ့ အနာဂတ် အိမ်ထောင်ရှင်မ က နင်လူ့ပြည်မှာ ရှိနေတယ်ဆိုတာ ကော အသိအမှတ်ပြုမှု ရပြီးပလား? (နင့်ကို ကော်ပီကူးစရာတွေ လှမ်းလှမ်းပေးနေတာက လွဲရင်ပေါ့လေ)။ အဟွတ် အဟွတ် ရယ်ချင်လိုက်တာ။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

သင့်ကို အဲလက်စ် မှ စကားလှမ်းပြောနေပါသည်။

အဲလက်စ်း ဟယ်လို မမရိုစီ နင့်အတွက် သတင်းတခုရှိပါတယ်။

ရိုစီး ကျေးဇူးပြုပြီး အေးအေးနေစမ်းပါဟာ။ ဒီမှာ ငါ မစ္စတာ ဆင်ဆမ် သင်တာကို အာရုံစိုက်ဖို့ကြိုးစားနေတာ။

အဲလက်စ်း အလို………….ဘယ်လိုပါလိမ့်………….ဘာလဲ နင်တို့ မိန်းကလေးတွေ ပြောပြောနေကြတဲ့ မျက်ဝန်းလဲ့ပြာပြာနဲ့ စိတ်ဝင်စားစရာ အမောင်ဆရာ ကြောင့်လား...?

ရိုစီး မဟုတ်ပေါင်။ ငါအခု စာရင်း၊ ဇယား တွေကို အရမ်း အရမ်းစိတ်ဝင်စားနေပြီဟဲ့။ တပတ်လုံးလုံး ဘယ်မှမသွားဘဲနဲ့တောင် ငါထိုင်လုပ်နေနိုင်ပြီ။ သိပ်စိတ်ဝင်စားဖို့ကောင်းတာပဲသိလား?

အဲလက်စ်း အော်………….အေး ငါသိပြီ။ နင်လဲ ကြမ်းပိုးတကောင်အဖြစ်ကို ပြောင်းလဲသွားပြီပေါ့။

ရိုစီး ငါနင့်ကို ရွဲ့နေတာဟဲ့ ငတုံးကောင်ရဲ့။ ဒီချီးထုပ် ဇယားတွေကို ငါအသေမုန်းတယ်။ ဆရာရှင်းပြတာကို နားထောင်နေရင်းနဲ့တောင် ငါတော်တော်ဦးနှောက်ခြောက်နေပြီဟဲ့။ ဒါပေမယ့် ဘာပဲဖြစ်ဖြစ်နင် ငါ့ကိုမနှောက်ယှက်ပါနဲ့။ ဝေးဝေး သွားစမ်းပါ။

အဲလက်စ်း ဒါဆို ငါပြောမယ့် သတင်းကိုနင် နားမထောင်ချင်တော့ဘူးပေါ့လေ?

ရိုစီး လုံးဝပဲ။

အဲလက်စ်း ဘာပဲဖြစ်ဖြစ် ငါကတော့ ပြောရမှာပဲ။

ရိုစီး ကဲကဲ ဒီလောက်ပြောချင်နေလဲပြော… ဘာလဲ နင့်အထူးစိတ်ဝင်စားဖွယ်သတင်းက?

အဲလက်စ်း နင်ပြောမယ့် စကားလုံးတွေအကုန်လုံးကို နင်ပြန်ပြန်သာမျိုလိုက်တော့။ ဘာလို့လဲဆိုတော့ ကောင်လေးတယောက်က လူပျိုမဟုတ်တော့ဘူး…….

အဲလက်စ်း ဟယ်လို……

အဲလက်စ်း နင်ရှိသေးလား…..

အဲလက်စ်း ရိုစီ နောက်မနေနဲ့တော့……

ရိုစီး အမ်…………….ဆော်ရီး….ငါ….ငါ့ကုလားထိုင်ပေါ်ကနေပြုတ်ကျပြီး မေ့လဲသွားလို့။ နင်က နင့်ကိုနင် လူပျိုမဟုတ်တော့ဘူးလို့ ငါ့ကိုလာ ပြောနေတယ်လို့ ငါအိပ်မက်မက်နေလို့…။

အဲလက်စ်း အိပ်မက်မဟုတ်ဘူးဟေ့။

ရိုစီး ဘာလဲ ဒါဆို နင်ဆိုလိုတာက နောက်နောင်ဆိုရင် နင်ဘောင်းဘီအရှည်ပေါ်မှာ အောက်ခံဘောင်းဘီ ထပ်ထပ် ဝတ်စရာမလိုတော့ဘူးလို့ ပြောချင်တာပေါ့လေ။

အဲလက်စ်း ဆိုလိုချင်တာက အီဖေကို က နောက်ဆိုရင် အောက်ခံဘောင်းဘီ လုံးဝ လုံးဝ ဝတ်စရာမလိုတော့ဘူးလို့ ပြောချင်တာ။

ရိုစီး ကဲ………ပြောပါအုံးအဲ့တာဆို ဘယ်သူကများ ကံဆိုးသူမယ်ရှင်လေးပါလိမ့်….ဘုရားမလို့ ဘက်တနီလို့တော့ လုံးဝမပြောလိုက်နဲ့နော်……ဘုရား ဘုရား…..

အဲလက်စ်း ဟားဟား စိတ်မကောင်းပါဘူးကွယ်။ ဘက်တနီကလေးပဲဖြစ်ပါတယ် ခင်ဗျား…

အဲလက်စ်း ဟယ်လို……………

အဲလက်စ်း ရိုစီ…………

ရိုစီး ဘာလဲ?

အဲလက်စ်း အဲ့တော့…..

ရိုစီး အဲ့တော့………ဘာဖြစ်သလဲ?

အဲလက်စ်း အဲ့တော့ တခုခု ပြောအုံးလေဟာ။

ရိုစီး နင့် ငါ့ကို ဘာပြောစေချင်မှန်း ငါတကယ်မသိဘူး အဲလက်စ်။ ငါထင်တာကတော့ နင် ယောက်ျားလေး သူငယ်ချင်းတွေရှာသင့်ပြီထင်တယ်။ ဘာလဲ နင့်ကို ငါကများ လည်ကုတ်ကို နဘန်ကျင်းပြီးတော့ “ဟေ့ကောင် ချီးထုပ် ငါ့ကို အသေးစိတ်ပြောပြစမ်း ” လို့ သွားရည် တမြား မြား နဲ့ ပြောမယ်ထင် လို့ လား။

အဲလက်စ်း အာ….နင်ဘယ်လိုမြင်လဲ ပဲ ငါ့ကိုပြောစမ်းပါဟာ။

ရိုစီး အေး ကောင်းပြီ။ ရိုးရိုးသားသားပြောတာနော်။ နင်ပြောသမျှကနေ ငါမြင်တာကတော့ သူက ခပ်ပျက်ပျက်ထဲကပဲ။

အဲလက်စ်း ဟာ တော်စမ်းပါ။ နင်ကဖြင့် သူ့အကြောင်းကိုသိဖို့ မပြောနဲ့ သူ့ကို မြင်တောင်မမြင်ဘူးဘဲနဲ့။ ဘာလဲ နင်က တယောက်ယောက်နဲ့ အိပ်တိုင်း အဲ့ဒီ လူ တယောက်ကို အပျက်လို့ပြောတာလား?

ရိုစီး ငါသူ့ ကို မြင်မြင်နေတာပဲ (နည်းနည်းလေးတော့ ပိုပြောလိုက်မယ် ငနာကောင်) နောက်ပြီးတော့ နင်သိအောင်ပြောရရင် မတူတဲ့ မထပ်တဲ့ လူတကာနဲ့ ရက်သတ္တပတ်ရဲ့ မတူတဲ့နေ့တွေမှာ လိုက်လိုက်အိပ်တဲ့ လူတွေကို ငါက အပျက်တွေလို့ခေါ်တာ။ ရှင်းလား။

အဲလက်စ်း အဲ့တာ တကယ်မဟုတ်တာ နင် သည့် ပါတယ်။

ရိုစီး နင် အခုထိ “သိ” ကို စာလုံးပေါင်းမှားနေတုံးပဲ။ “သိ” ဟဲ့ “သည့်” မဟုတ်ဘူး။

အဲလက်စ်း အဲ့ဒီ “သိ” နဲ့ ပတ်သက်ပြီး တော်စမ်းပါဟာ။ နင်အဲ့ဒီ သည့် ကိစ္စ ကိုပြောပြောနေ တာ ငါတို့ ၅ နှစ်သား လောက်ကတည်းကပဲ။

ရိုစီး သိပ်မှန်တာပေါ့။ အဲ့တော့ နင်အခုပြင်တော့မယ် မှလား။

အဲလက်စ်း တော်ပြီဟာ။ ငါပြောတာတွေ အကုန်မေ့လိုက်တော့။

ရိုစီး ဒီမှာ အဲလက်စ်။ ငါက နင့်ကို တကယ်စိတ်ပူလို့ပါ။ နင်သူ့ကို သဘောကျနေတာ၊ နင့်ခံစားချက်တွေကို ငါသိပါတယ်။ ဒါပေမယ့် ငါပြောချင်တာက သူက ဘယ်တော့မှ လူတယောက်တည်းကိုပဲ အတည် တွဲမယ့် မိန်မမျိုးမဟုတ်ဘူးဆိုတာပဲ။

အဲလက်စ်း ဒါပေမယ့် အခု ဟုတ်သွားပြီလေ။

ရိုစီး ဒါဆို နင်တို့ နှစ်ယောက် အတူတူ တွဲပြီး အပြင်တွေဘာတွေ ချိန်းတွေ့လေ့ရှိကြသလား?

အဲလက်စ်း အင်းပေါ့။

ရိုစီး အင်း……………………ပေါ့

အဲလက်စ်း နင့်ကြည့်ရတာ သိပ်ကို အံ့သြသွားသလိုပဲ။

ရိုစီး ငါကတော့ ဘက်တနီ ဆိုတဲ့မိန်းမက လူတွေနဲ့ တွဲသွားတွဲလာ ချိန်းတွေ့တတ်တယ် မထင်ဘူး။ သူက လူတွေနဲ့ အိပ်ပဲ အိပ်တာလေ။

ရိုစီး အဲလက်စ်…………

ရိုစီး ကဲပါ ကဲပါ ငါတောင်းပန်ပါတယ်။

အဲလက်စ်း ရိုစီ နင် အဲ့လိုပြောနေတာတွေ ရပ်သင့်ပြီ။

ရိုစီး အင်းပါ။ အင်းပါ။ ငါ “သည့်” ပါတယ်

အဲလက်စ်း ဟားဟားဟား

မစ္စတာ ဆင်ဆမ်း မင်းတို့ နှစ်ယောက်စလုံး အခုချက်ချင်း ကျောင်းအုပ်ကြီး ရုံးခန်းကို လာခဲ့ပါ။

ရိုစီး ရှင်……….ဆရာ။ သမီး ဆရာ ရှင်းပြတာကို နားထောင်နေတာပါ။

မစ္စတာ ဆင်ဆမ်း ရိုစီ ငါဘာမှမပြောတော့တာ လွန်ခဲ့တဲ့ ၁၅ မိနစ်ကတည်းကပဲ။ မင်းတို့ အခု က ငါပေးထားတဲ့ မေးခွန်းတွေ ဖြေနေရမှာ။

ရိုစီး ဟုတ်ပါတယ် ဆရာရယ်။ အဲလက်စ် က သမီးအတွက် မကောင်းတဲ့ အပေါင်းအသင်း ပါ။ သမီးကို စာကောင်းကောင်း လုပ်လို့မရအောင် အမြဲလိုလို တခုမဟုတ်တခု အနှောင့်အယှက် ပေးနေတာပါ။ သမီး အပြစ်မဟုတ်ပါဘူး။

အဲလက်စ်း ဆရာ၊ ကျတော့မှာ ရိုစီ ကိုပြောစရာ ကိစ္စ တခုရှိနေလို့ပါ။ ပြီးတော့ အဲ့ဒီကိစ္စက လဲမစောင့်နိုင်တော့လို့ပါဆရာ။

မစ္စတာ ဆင်ဆမ်း ငါသိပြီးပြီ အဲလက်စ်။ အဲ့တာနဲ့ ပတ်သက်ပြီး ဆရာ မင်းအတွက် ဂုဏ်ယူပါတယ်။

အဲလက်စ်း ဗျာ …….ဆရာ က ဘာကိစ္စ မှန်းဘယ်လိုလုပ်သိတာလဲဗျ။

မစ္စတာ ဆင်ဆမ်း တကယ်လို့သာ မင်းတို့ နှစ်ယောက် က ဆရာ စာသင်နေတုံး တခါတလေ လေးများ အာရုံပြုပြီး နားစိုက်ထောင်မိမယ်ဆိုရင် ဆရာ ပြောနေတာတွေက အရမ်း စိတ်ဝင် စားစရာ ကောင်းတာတွေ့လိမ့်မယ်။ ဥပမာအားဖြင့် Chat ထဲမှာ အပြန်အလှန် စကားပြောနေ ကြတာ ကို သူများတွေမမြင်အောင်ဘယ်လို ကာကွယ်ရမလဲဆိုတာမျိုးပေါ့။

အဲလက်စ်း ဗျာ……..ဆရာ ဆိုလိုတာက.. အဲ့တာဆို ကျတော်တို့ ပြောနေတာတွေ အားလုံးကို ဒီအခန်းထဲမှာ ရှိနေတဲ့ လူတွေ အကုန် လိုက်ဖတ်နေနိုင်တယ်ပေါ့…..ဟုတ်လား။

မစ္စတာ ဆင်ဆမ်း သေချာတာပေါ့ကွာ။

အဲလက်စ်း ဘုရားရေ။ သေလိုက်ပါတော့ဗျာ။

ရိုစီး ဟား ဟား ဟား ဟား ဟား ဟား ဟား ဟား ဟား ဟား

မစ္စတာ ဆင်ဆမ်း ရိုစီ…

ရိုစီး ဟား ဟား ဟား ဟား ဟား ဟား ဟား ဟား ဟား ဟား

မစ္စတာ ဆင်ဆမ်း “ရိုစီ”

ရိုစီး ဟုတ်ကဲ့ဆရာ။

မစ္စတာ ဆင်ဆမ်း အခန်းထဲကနေ ခုချက်ချင်း ထွက်သွားစမ်း။

အဲလက်စ်း ဟား ဟား ဟား ဟား ဟား ဟား ဟား ဟား ဟား ဟား

မစ္စတာ ဆင်ဆမ်း မင်းရောပဲ။ မောင်အဲလက်စ်။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx