သက်တံ့ တွေရဲ့အဆုံးမှာ အခန်း (၃)

အခန်း (၃)

မှ = ရိုစီ
သို့ = အဲလက်စ်
အကြောင်းအရာ = ဂျူလီ့ အိမ်ပါတီပွဲ

ဟေး……….ဘယ်လိုလဲ။ မတွေ့ရတာ တော်တော်ကြာသွားပြီနော်။ အဲ့ဒီ “ရုံး” ဆိုတဲ့နေရာကြီး မှာ သူတို့တွေ နင့်ကို သေလောက်အောင်ခိုင်းမနေကြဘူးမှလား။ ဒီတနွေလုံး နင့်ကိုမတွေ့ရ သလောက်ပဲနော်။ ဒါနဲ့ ဒီနေ့ ည ဂျူလီ့ အိမ်မှာ ပါတီပေးမယ် ကြားတယ်။ အဲ့တာ ငါက နင်များ သွားချင်လေမလားလို့။ ငါ တယောက်တည်းချည်းပဲ ဆိုရင် တော့ မသွားချင်ဘူးဟ။ ဒါပေမယ့် ထားပါ နင်က နင့်အလုပ်တွေနဲ့ (ဘာအလုပ်တွေပဲဖြစ်ဖြစ်) ရှုပ်နေမှာမို့လား။ အဲ့တော့ အချိန် ရရင်သာ ငါ့တီ ဖုန်းဆက်လိုက်။ ဒါမှမဟုတ်လဲ အီးမေးလ်လေးဘာလေး ပြန်ပေါ့။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

မှ = အဲလက်စ်
သို့ = ရိုစီ
အကြောင်းအရာ = ပြန်စာ- ဂျူလီ့ အိမ်ပါတီပွဲ

ရိုစီ ၊ စာတိုလေးပဲ အမြန်ပြန်လိုက်တယ်။ အချိန်မရလို့။ အရမ်း အလုပ်ရှုပ်နေတယ်။ ဒီနေ့ ည မအားဘူး။ ဘက်တနီ ကိုလဲ ရုပ်ရှင်ကြည့်မယ်ပြောထားတယ်။ ဆော်ရီးပဲဟာ။နင်သွားလိုက်ပါ။ အသေကဲခဲ့။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

ရိုစီရေ၊ ပေါ်တူဂေါ ကနေနှုတ်ဆက်လိုက်တယ်ဟေ့။ ရာသီဥတု ကအရမ်းကိုပူနေတာပဲ။ ငါ့အဖေ
ကတော့ အပူရှပ်နေပြီ။ အမေကတော့ တနေ့လုံး ရေကူးကန်ဘေးမှာ ထိုင်နေတာနဲ့ပဲ
အချိန်ကုန်နေတာပါပဲ။ သိပ်ပျင်းစရာကောင်းတယ်။ ငါ့အရွယ်လူငယ်တွေလဲ သိပ်မတွေ့ဘူး။
ဟိုတယ်က တိတ်ဆိတ်နေတာပဲ (ရှေ့ကပုံမှာပါတဲ့အတိုင်း) ကမ်းခြေပေါ်မှာ ဆောက်ထားတာ
နင်မြင်တဲ့အတိုင်းပဲ။ ဒီမှာအလုပ်လုပ်ရရင် နင်ပျော်မှာပါ။ နင့်အတွက် နင်ကြိုက်တတ်တဲ့
ခေါင်း
လျှော်ရည်ဗူး သေးသေးလေးတွေ၊ ရေချိုးတဲ့ ခေါင်းဆောင်းတွေ၊ ဘာညာ သာရကာတွေ
ငါ ဟိုတယ် ကနေ ယူလာခဲ့မယ်။ ရေချိုးပြီးရင်ဝတ်တဲ့ ဝတ်ရုံကတော့ အရမ်းကြီးနေတယ်။ ငါ့
အိတ်နဲ့မဆန့်ဘူး။ ငါပြန်လာရင်တွေ့မယ်နော်။ အဲလက်စ်။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

မှ = ရိုစီ
သို့ = အဲလက်စ်
အကြောင်းအရာ = တွေ့ကြမလား?

ဟေး ဘယ်လိုလဲ နင့်ရဲ့ ပိတ်ရက်တွေ? နင်ပြန်ရောက်ကတည်းက ဘာသံမှမကြားပါလား။ ဒီည အပြင်ထွက် တခုခုစားကြမလား?

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

မှ = အဲလက်စ်
သို့ = ရိုစီ
အကြောင်းအရာ = ပြန်စာ- တွေ့ကြမလား?

ဆော်ရီးပါဟာ။ ပြန်ရောက်ကတည်းက လုံးဝ မအားတာ။ နင့်အတွက်လက်ဆောင်တွေ ပါလာ တယ်။ ဒီနေ့ည မထွက်နိုင်ဘူးဟ။ ဒါပေမယ့် ငါအပြင်မသွားခင်တော့ နင့်လက်ဆောင်တွေလာ ပေးလိုက်မယ်လေ။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

မှ = ရိုစီ
သို့ = အဲလက်စ်
အကြောင်းအရာ = ပြန်စာ- တွေ့ကြမလား?

မနေ့ည က ပေါ်လဲမလာပါလား။ ငါ့ရဲ့ ရှန်ပူ ဗူးလေးတွေ လိုချင်နေပြီ။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

မှ = အဲလက်စ်
သို့ = ရိုစီ
အကြောင်းအရာ = ပြန်စာ- တွေ့ကြမလား?

ဒေါနဂေါ ကို ဒီတပတ်ပိတ်ရက်အတွက်သွားပြီ။ ဘက် ရဲ့မိဘတွေက အဲ့မှာ အပန်းဖြေ ရိပ်သာလေးတခုရှိတယ်ဟ။ နင့်လက်ဆောင်တွေကို ပြန်လာမှပဲလာပေးတော့မယ်နော်။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

ဘယ်တော့မှ သူများအတွက် မစဉ်းစားပေးတတ်တဲ့ အတ္တသမား ချီးထုတ် သူငယ်ချင်း သို့

ငါဘာလို့ နင့်ဆီကို တကူးတက ဒီစာရေးနေလဲဆိုတော့ တကယ်လို့သာ ငါပြောချင်တာတွေကို နင့်မျက်နှာတည့်တည့်ကြည့်ပြီး ပြောရမယ်ဆိုရင် နင့် မျက်ခွက်ကို ထိုးမိမယ်ဆိုတာ ငါ့ကိုယ်ငါ သိလို့ပဲ။

နင်ဘယ်သူလဲဆိုတာ ငါမသိတော့တာ တော်တော်ကြာပြီ။ နင့်ကိုလဲမမြင်ရ မတွေပရတာ တော်တော်ကြာသွားပြီ။ နင့်ဆီကနေ ငါ ရနေတာက ရက်ခြား ရက်ခြား ပို့လိုက်တဲ့ အီးမေးလ် တိုလေးတွေ ၊ စာတိုလေးတွေလောက်ပဲ။ နင် အလုပ်ရှုပ်နေတယ်တိုတာ ငါသိပါတယ်။ နင့်မှာ ဘက်တနီရှိနေပြီတိုတာလဲ ငါတာပဲ။ ဒါပေမယ့်…..ဟေး………..ငါက နင့်ရဲက အချစ်ဆုံး သူငယ်ချင်း မဟုတ်ဘူးလား?

ဒီနှစ်နွေရာသီဟာ ငါ့အတွက် ဘယ်လိုလဲဆိုတာ နင်တွေးတောင်တွေးမိမှာ မဟုတ်ဘူးမှလား? ကလေးဘဝကတည်းက ငါတို့နှစ်ယောက်ဟာ ငါတို့နှစ်ယောက်ကြားကို ရောက်လာနိုင်တဲ့ ရောက်လာနိုင်မယ့် လူတွေအကုန်လုံးကို ငါတို့ရဲ့ ခင်မင်မှု စည်းဝိုင်းကလေးထဲရောက်လာမှာ စိုးလို့ တွန်းထုတ်ခဲ့ကြတာမှလား။ နောက်ဆုံ နင်နဲ့ ငါ နှစ်ယောက်ထဲကျန်တဲ့အထိလေ။ ငါတို့ သူတို့တွေအားလုံးနဲ့ သူငယ်ချင်းမဖြစ်ချင်လို့ဆိုတာမျိုးမဟုတ်ဘူးလေ။ တကယ်က ငါတို့ ကမ္ဘာ မှာ ငါတို့နှစ်ယောက်ကလွဲပြီး ဘယ်သူမှ မလိုခဲ့တာမှလား။ ငါ့အတွက် နင်အမြဲရှိခဲ့သလို နင့် အတွက်လဲ ငါအမြဲရှိခဲ့တယ်လေ။ ခုတော့ နင့်မှာ ဘက်တနီရှိနေပြီပေါ့။ ငါ့အတွက်ကတော့ ဘယ်သူမှမရှိဘူး။

ဝမ်းနည်းစရာကောင်းတာက နင့်ငါ့ကို မလိုတော့ဘူးဆိုတာပဲ။ ခုတော့ ငါ အရင်က ငါတို့ကို ခင်ဖို့ ကြိုးစားခဲ့တဲ့ လူတွေလိုခံစားနေရတယ်။ နင်တမင် အဲ့လိုလုပ်နေတာမဟုတ်ဘူး ဆိုတာ တော့ ငါသိပါတယ်။ ဒါပေမယ့်….ထားလိုက်ပါ သူ့ကို ငါဘယ်လောက်တောင်မုန်းနေလဲဆိုတာ ပြောလို့ပြီးမှာမဟုတ်ဘူး။ ငါပြောချင်တာက ငါ့ရဲ့ သူငယ်ချင်းလေးကို ငါလွမ်းနေတယ်။ အင်း… ပြီးတော့….. ငါအရမ်း အထီးကျန်နေတယ်ဟာ။

အပြင်သွားဖို့ ချိန်းထားတာ နင်ဖျက်လိုက်တိုင်း ငါ အိမ်မှာ ဖေဖေ မေမေတို့နဲ့ TV ကြည့်ရင်းပဲ အချိန်တွေကုန်နေရတာ။ စတက်ဖနီ က အမြဲ အပြင်ထွက်နေတာ၊ ကယ်ဗင်ကလဲ… ငါ့ထက် စာရင်မှ သူ့ဘဝက ပိုသာယာနာပျော်ဖွယ်ရှိသေး။ စိတ်ဓါတ်ကျဖို့ အရမ်းကောင်းတာပဲ။ ဒီနှစ် နွေက တို့နှစ်ယောက်အတွက် ပျော်စရာကောင်းရမှာလေ။ ဘာတွေဖြစ်ကုန်ပြီလဲ။ နင် လူနှစ် ယောက်နဲ့ တပြိုင်တည်း သူငယ်ချင်းမဖြစ်နိုင်ဘူးလား။

နင် နင့်အတွက် တယောက်ယောက် ကို တွေ့သွားပြီဆိုတာ ငါသိပါတယ်။ အဲ့တယောက် ယောက် နဲ့ နင်နဲ့ကလဲ နင်နဲ့ ငါ ဘယ်တော့မှ မရှိလာမဲ့ “အထူးသံယောဇဉ်” (ဘာညာ အာပလာပေါ့) တွေရှိကြတယ် ဆိုတာ လဲ ငါသိပါတယ်။ ဒါပေမယ့် ငါတို့မှာလဲ နောက်ထပ် “မထူးသံယောဇဉ်တမျိုး” ရှိသေးတာပဲလေ။ ငါတို့နှစ်ယောက် က အခင်ဆုံး အချစ်ဆုံး သူငယ် ချင်းတွေလေ။ နှစ်ယောက်ပေါင်းလောင်းကျော်တွေလေ။ ဒါမှမဟုတ် အဲ့ဒီ သူငယ်ချင်း သံယောဇဉ် က နင်တယောက်ယောက် ကိုတွေ့လိုက်တဲ့အချိန်မှာ ပျက်ပျောက်သွားတာလား။ ကြည့်ရတာတော့ အဲ့လိုဖြစ်ပုံရပါတယ်။ ငါကတော့ အဲ့တာ ကိုဘယ်လိုမှ နားမလည်နိုင်ဘူး။ ဘာလို့လဲဆိုတော့ ငါက အဲ့ဒီ “အထူးတယောက်ယောက်” ကိုမတွေ့သေးဘူးလေ။ တွေ့ဖို့လဲ အလျင်မလိုနေပါဘူး။ ငါက ငါတို့ကြားမှာ ရှိတဲ့ အရာရာ ကို အဲ့အတိုင်းပဲရှိနေစေချင်တာ။

တကယ်လို့များ နောက်နှစ်တော်တော်ကြာကြာမှာ နင်က ငါ့နာမည်ကိုများ စကားစပ်မိလို့ ဖြစ်ဖြစ်များ ကြားမိရင်….“အော် ရိုစီလား၊ အဲ့နာမည်ကို ငါမကြားရတာ နှစ်သန်းပေါင်းများစွာ ကြာလှပေါ့။ ငါတို့တွေ အခင်ဆုံး သူငယ်ချင်းတွေ ဖြစ်ခဲ့ကြဖူးတယ်လေ။ သူအခု ဘာတွေများ လုပ်နေမလဲမသိဘူး။ ခုတော့ သူနဲ့ မတွေ့ တာ၊ သတင်းမကြားတာ၊သူ့အကြောင်းမတွေးမိတာ နှစ်တွေ တောင်အတော် ကြာပေါ့” လို့ နင်ပြောမလားပဲ။ ငါ့အဖေနဲ့အမေ သူတို့ သူငယ်ချင်း ဟောင်းတွေနဲ့ ဆုံပြီး ထမင်းစားကြတဲ့အခါ ရှေးဟောင်းနှောင်းဖြစ်တွေ ပြောကြသလိုမျိုး နင့် လေသံက ဖြစ်နေမှာပါ။ သူတို့ ဘဝရဲ့ အရေးအကြီးဆုံးဖြစ်ခဲ့တဲ့ အချိန်တွေအကြောင်း ပြန် ပြောကြတုံးကများဆိုရင် ငါ့ဘဝမှာ တခါမှမကြားဘူးတဲ့ နာမည်တွေကိုတောင် သူတို့ပြော တတ်သေး။ လွန်ခဲ့တဲ့ နှစ် နှစ်ဆယ်လောက်တုံးက မေ့မေ့ရဲ့ သတို့သမီး အရံက အခုအခါမှာ ဘာလို့များ မေမေတခါတလေတောင် ဖုန်းမဆက်တော့တဲ့ လူစာရင်းဝင်သွားတာလဲမသိဘူး။ ဖေဖေဆိုလဲကြည့်ပါအုံး၊ သူ့အခင်ဆုံးဆိုတဲ့ ကျောင်းတုံးက သူငယ်ချင်းက ဘယ်မှာနေတယ် ဆိုတာတောင်မသိခဲ့ဘူးတဲ့လေ။

ဘယ်လိုပဲဖြစ်ဖြစ်ပါ ငါပြောချင်တာက (ရှိတယ်၊ ရှိတယ် ငါပြောချင်တာ ရှိသေးတယ်) ဘဝမှာ ငါက လွယ်လွယ်နဲ့ မေ့ပျောက်ခံလိုက်ရတဲ့ လူတယောက် ငါမဖြစ်ချင်ဘူး။ တချိန်တုံးက အရမ်း အရေးကြီး၊ အရမ်းတန်ဖိုးထားခံရ၊ အရမ်းလွှမ်းမိုးခဲ့၊ အရမ်းထူးခြားခဲ့ပေမယ့် နောင်နှစ် တွေကြာလာတဲ့အခါမှာတော့ မှုံဝါးဝါး မျက်နှာတခုနဲ့ ငယ်နာမည်လေး ခပ်မေ့မေ့ဆိုတာ မျိုး မဖြစ်ချင်ဘူးလေ။ ဒီမှာ အဲလက်စ် ငါက ငါတို့နှစ်ယောက် ကို အခင်ဆုံး အချစ်ဆုံးသူငယ်ချင်း တွေအဖြစ်ပဲ ထာဝရ မြင်ချင်၊ ဖြစ်စေချင်တာလေ။

နင်ပျော်နေတာကို ငါမြင်ရတော့ ငါလဲပျော်ပါတယ်။ တကယ်ပြောတာပါ။ ဒါပေမယ့် ဘာလို့လဲ မသိဘူး ငါက ချန်ထားခံရ သလိုခံစား ရတယ်။ ကြည့်ရတာ ငါတို့နှစ်ယောက်အတွက် အချိန် တွေက အရင်တုံးက ရှိနေခဲ့လို အခုတော့ ကုန်ဆုံးသွားပြီထင်ပါတယ်ဟယ်။ အခုနင့်ရဲ့ အချိန် တွေက ဘက်တနီ အတွက်ဖြစ်သွားပြီထင်တယ်နော်။ တကယ်လို့ အဲ့လိုသာဆို ငါနင့်ကို ဒီစာ ပို့ပေးဖြစ်တော့မှာ မဟုတ်ဘူး။ မပို့ဖြစ်တော့ဘူးဆိုရင် ငါဘာလို့များ အခုထိ ဒီစာကို ဆက်ရေး နေရသေးတာလဲနော်။ ကဲကဲ ငါသွားရတော့မယ်။ ငါလဲ အခုစဉ်းစားနေတဲ့ ငါ့ရဲ့ “ကြောင်ချက်” တွေ အကုန်လုံးကို မေ့လိုက်တော့မယ်။

နင့်ရဲ့ သူငယ်ချင်း
ရိုစီ

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

မှ = အဲလက်စ်
သို့ = ရိုစီ
အကြောင်းအရာ = ထောပတ်ခွက်လေး

ဟေး.ထောပတ်ခွက်လေး…နင်အိုကေရဲ့လား။ (နင့်ကို အဲ့လို မခေါ်ရာတာ ကြာလှ ပြီနော်!)။ နင့်ဆီက ဘာသံမှမကြား…နင့်ကိုမမြင်ရတာ တော်တော်လေး ကြာပြီ။ ဘာလို့ နင့်ကို ငါဒီ အီးမေးလ်ရေးရတာလဲဆိုတော့ နင့်အိမ်ကို ဖုန်းခေါ်တိုင်း နင်က ရေချိုးရင် ချိုးနေ မချိုးနေရင် အိမ်မှာ မရှိဘူးချည်းပဲ ဖြေဖြေနေတော့….. ဘာလဲ နင် ငါ့ကို စိတ်ကောက်နေတယ်လို့ ငါယူဆ လိုက်ရမလား။ ဒါပေမယ့် ငါသိခဲ့တဲ့ ရိုစီ က နင်နဲ့ ငါ့ကြားမှာ ပြဿနာ ရှိနေရင်တောင် ပွင့်ပွင့်လင်းလင်း ဖွင့်ရှင်းမယ့်လူမျိုးပါ။ ရှက်ပြီးရှောင်နေမယ့် မိန်းမ မျိုးမှ မဟုတ်တာနော်။
ဘယ်လိုပဲ ဖြစ်ဖြစ်ပါ နွေကုန်သွားလို့ ကျောင်းတွေ ပြန်ဖွင့်ပြီဆိုရင် ငါတို့နေ့တိုင်းတွေ့ရတော့ မှာပဲ။ နေ့တိုင်း မြင်နေရလွန်းလို့တောင် မြင်နေရတာ ကို အမြင်ကပ်သွားနိုင်တယ်။ ဒီနှစ် က ငါတို့အတွက် ကျောင်းမှာ နောက်ဆုံးနှစ်ဆိုတာ မယုံနိုင်လောက်စရာပဲနော်။ အချိန်တွေကလဲ ကုန်တာမြန်လိုက်တာ။ နောက်နှစ် ဒီအချိန်ဆို ငါက ဆေးကျောင်းတက်နေပြီးတော့ နင်ကလဲ နင်အမြဲစိတ်ဝင်စားခဲ့တဲ့ ဟော်တယ် စီမန်ခန့်ခွဲရေး စူပါ မန်နေဂျာမကြီး ဖြစ်နေရောပေါ့။ အလုပ်မှာ နည်းနည်းရှုပ်နေတယ်။ ဖားသားကြီးက ငါ့ကို ရာထူးတိုးပေး(လိုက်သလိုလိုရှိ) တယ်ဟ။ အဲ့တော့ ငါအခု ဖိုင်တွေစီရတာ၊ နာမည်တွေလိုက်ကပ်ရတာထက်ပို အလုပ်ရှုပ်လာ ပြီပေါ့ဟာ (အခု ဖုန်းပါဖြေနေရပြီဟ)။ ဘယ်လိုပဲ ဖြစ်ဖြစ် ငါပိုက်ဆံလိုတယ်လေဟာ၊ ပြီးတော့ ဘက်တနီ ကိုလဲနေ့တိုင်းမြင်ရတာပေ့ါ။ “နဂါး” စားသောက်ဆိုင်က နင့်ရဲ့ ပန်းကန်ဆေးမှူးချုပ် အလုပ်ကော ဘယ်လိုလဲ။ အဲ့အလုပ်အတွက် ကလေးထိန်းဖို့ ကို နင်ငြင်းလိုက်တာကို ငါတော့ တကယ်အံ့သြတယ်။ အကြော်ဒယ်အိုးမှာ ကပ်နေတဲ့ ခေါက်ဆွဲကြော်ဖတ်တွေကို ခြစ်ချခွာချ ပြီး နင့်လက်တွေ ပဲကြီးပွဖြစ်အောင် လုပ်နေရတာထက် တညလုံးအိမ်ထဲမှာနေပြီး အေးအေး ဆေးဆေး TV ကြည့်နေနိုင်တဲ့ဟာကို။ ဘယ်လိုပဲ ဖြစ်ဖြစ်ပါ ငါ့ကို မေးလ် ပြန်ရင်လဲပြန်၊ ဖုန်းဆက်ရင်လဲဆက်လိုက်ပေါ့။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

မှ = ရိုစီ
သို့ = အဲလက်စ်
အကြောင်းအရာ = လရောင်ခြည်လေး

ဘက်တနီ ကိုမုန်းလို့ ငါနင် နဲ့ သိပ်မတွေ့တာ မဟုတ်ပါဘူး။ (ဘက်တနီကိုတော့ မုန်းပါတယ်) ဘက်တနီကလဲ ငါ့ကို သိပ်မကြိုက်ဘူးလို့ထင်လို့ပါ။ မနှစ်က ကွန်ပျူတာ သင်တန်းမှာ သူနဲ့ ပတ်သက်ပြီး ငါပြောတာတွေကို သူ့ငယ်ချင်းတယောက်ယောက် ကပြန်ပြောလိုက်လို့ဖြစ်မယ်။
ဒီကိစ္စကို နင်လဲသိပြီးသားဖြစ်မှာပါ။ ကြည့်ရတာ သူက မိန်းမပျက်လို့ အခေါ်ခံရတာ တယ်ပြီး ကြိုက်ပုံ မပေါ်ဘူး။ တချို့မိန်းမတွေက ဘာလို့ အဲလို ခပ်ကြောင်ကြောင် အမြင်မျိုးရှိတာလဲ ငါမသိဘူး။ (ကွန်ပျူတာ သင်တန်းဆိုလို့ ပြောရအုံးမယ် တို့ဆရာ မစ္စတာဆင်ဆမ် ဒီနှစ်နွေမှာ လက်ထပ်လိုက်ပြီတဲ့။ ငါတော့ အံ့သြတာပဲ။ အိတ်ဇဲ (စာရင်းဇယား) သင်ခန်းစာတွေ ကိုငါ တော့ အရင်လိုအမြင်မျိုးနဲ့ ကြည့်ဖြစ်တော့မှာ မဟုတ်ဘူး။)

ထားပါတော့။
နင့်မွေးနေ့တောင်ရောက်တော့မယ်နော်။ ဘာပဲပြောပြောနောက်ဆုံးတော့ နင် ဒီ “တရားဝင် လွတ်လပ်ခွင့်”တွေရတော့မယ် ကြီးတန်းဝင် မဟာကန့်သတ် အသက် ၁၈ ကိုရောက်လာခဲ့ ပြီပေါ့။ အပြင်ထွက်ပြီး တရားဝင်တဲ့ကိစ္စ တခုခုလုပ်ကြမလား (အင်း…အနည်းဆုံး နင့်အတွက် တော့ တရားဝင်ပြီပေါ့ဟာ)။ သွားကြမယ်ဆိုရင် ငါ့ကို ပြော။

စာကြွင်း

ငါ့ကို နောက် ဘယ်တော့မှ ထောပတ်ခွက်ကလေး လို့မခေါ်ပါနဲ့။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

မှ = အဲလက်စ်
သို့ = ရိုစီ
အကြောင်းအရာ = ၁၈ နှစ်ပြည့်မွေးနေ့

နင့်ဆီကနေ အသက်ရှင်နေသေးကြောင်း ကြားရတဲ့အတွက် ဝမ်းသာပါတယ်။ ငါက စိတ် တောင် ပူစပြုနေတာ။ ငါ့ရဲ့မွေးနေ့လေး ကိုနင်နဲ့ အတူတူ ကျင်းပချင်ပါတယ် ……..
ဒါပေမယ့်…..ဘက်တနီ ရဲ့မိဘတွေက ငါနဲ့ ငါ့ရဲ့မိဘတွေကို ဟေဇယ် ဟိုတယ်မှာ ထမင်း ကျွေးမလို့တဲ့။ (မခမ်းနားဘူးလား?) အဲ့လိုမှ ငါတို့တွေ နှစ်ဘက်မိဘ အချင်းချင်းပါ ခင်မင်ကြ ရမှာလေ။ စိတ်မကောင်းပါဘူး။ နောက် တညညပေါ့ ငါအစားပြန်ပေးပါ့မယ်။

သို့
အခင်ရဆုံး အဲလက်စ်

အင်း…နင့်အတွက်တော့……..ဥုံ ပလုံတုံတုံ ဖိုးကြိုင်းတုတ်ပေါ့ဟာ….
ဘက်တနီ ကို ချီးပဲ
သူ့ မိဘတွေကိုလဲ ကို ချီးပဲ
ဟေဇယ် ကိုလဲ ကို ချီးပဲ
ပြီးတော့ နင့်ကိုလဲ ကို ချီးပဲ

ချစ်တဲ့ နင့်ရဲ့ အခင်ဆုံးသူငယ်ချင်း
ရိုစီ

မှ = ရိုစီ
သို့ = အဲလက်စ်
အကြောင်းအရာ = ပျော်ရွှင်စရာမွေးနေ့လေးဖြစ်ပါစေ

အဲ့တာဆိုလဲ ကောင်းပြီလေ။ စားကောင်းသောက်ကောင်းတွေ ကိုခံစားနိုင်ပြီး ပျော်ရွှင်တဲ့ မွေးနေ့လေး ဖြစ်ပါစေ။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

မှ = ရိုစီ
သို့ = အဲလက်စ်
အကြောင်းအရာ = ကပ်ဆိုးဆိုက်ခြင်း

အဲ့တာ တကယ်ဖြစ်နေတယ်ဆိုတာ ငါမယုံနိုင်လောက်အောင်ပဲ။ ငါနင့်အမေ ကိုစကားပြောဖို့ ဖုန်းဆက်လိုက်တုံး သူက အဲ့ဒီ သတင်းဆိုးကို ပြောပြတာ။ ဒီဟာ ငါကြားဖူးသမျှ သတင်းတွေ ထဲမှာ အဆိုးဆုံးသတင်း ပဲ။ နင် အချိန် ရရချင်း ငါ့ကိုဖုန်းဆက်ပါ။ နင့်သူဌေးက နင့်ကို အလုပ် ချိန်အတွင်းမှာ ဖုန်းပြောခွင့်မရှိပါဘူး လို့ချည်း ပြောပြောလွှတ်နေတယ်။ ထွက်လိုက်တော့လေ “ဘယ်တော့မှ ရုံးအလုပ်မလုပ်ချင်ဘူးဆိုတဲ့ မစ္စတာကြီးရဲ့”။
ဒီကိစ္စကတကယ့်ကို မယုံနိုင်လောက်အောင်ပဲ။ ငါအရမ်း စိတ်ပျက်နေတယ်။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx