မုန့်ဟင်းငါး စားကြွပါ

ကဲကဲ အားလုံးဆာလောင်စွာနဲ့စောင့်နေကြတဲ့ အတွက်အရင်ဆုံးအနံ့အရသာနဲ့ပြည့်စုံတဲ့
မုန့်ဟင်းငါး လေးနဲ့ အိမ်လည်လာသူတွေကို တည်ခင်းဧည့်ခံလိုက်ပါတယ်
တကယ်ချက်ပေးတဲ့ ညီမလေးကတော့ တီနဲ့တူတူ တရုံးထဲလုပ်နေတဲ့ ညီမလေးပါ တကွန်ပေါင်းထဲမှာနေပါတယ် သူကလဲ ဘလောခ်ရေးဖို့ အစီအစဉ်ရှိတယ် (အဲတခါတည်းကြေညာတာပါ)
နောက်သူတကယ်ရေးဖြစ်ရင်မိတ်ဆက်ပေးပါမယ် အရင်က သူက မဂ္ဂဇင်း တွေမှာရေးလေ့ရှိပါတယ် အများဆုံးရေးလေ့ရှိတဲ့ မဂ္ဂဇင်း က “တင်း” (အတင်းမဟုတ်ဘူးနော်) ပါ အဲမြန်မာလိုဘယ်လိုခေါ်လဲတော့မသိ နာမည်တော့ရှိတယ် (ဪ မှတ်မိပြီ ဆယ်ကျော်သက် ခိခိ တီက အဲဒီအရွယ်ကို ကျော်တာတော်တော်ကြာသွားတော့ ဘယ်လိုခေါ်လဲတောင်မေ့နေပြီ ခစ်ခစ်ခစ်) အဲ တီ့ ညီမဆိုတော့ ဒေါ်ရီတာ စကားခဏငှားသုံးရရင် ခ သ မ ဟ ပေါ့နော်(ခေသူမဟုတ်ပါတဲ့) သိချင်ရင်တော့ ဖန်သားပြင်ပေါ်မှာ...မျှော် မကြာမီလာမည်
ကဲကဲ မိတ်ဆက်ပြီးရင်၊စားပြီးရင်ချက်ပြုတ်ခြင်းစမယ်
တီက ၀ိုင်းကူဘေးရှုပ်ပေါ့ ခိခိ

ပထမ ဆုံးဝယ်လာတဲ့ သန့်ပြီးသား ငါးကို ရေစင်စင်ပြန်ဆေးပါတယ်

ပြီးရင် ဂျင်း နဲ့ ကြက်သွန်ဖြူရောထောင်းထားတာကို ငံပြာရည် နည်းနည်းနဲ့ထည့်ပြီး ငါးကိုပြုတ်ပါတယ်

ငါးက ခဏဆိုနူးပြီလေ ပြီးရင်တော့ ဟင်းရည်ထဲကငါးကိုအရိုးနွှင်ဖို့ဆယ်ပါတယ် ဟင်းရည်ကိုတော့ဆူအောင် ဆက်တည်ထားပါမယ်

နွှင်ပြီးသားငါးကို အဆင်သင့်ထားပြီး ခုနက ဟင်းရည်ထဲကို နံနံမြစ် ရှိရင်နည်းနည်းပစ်ထည့်လိုက်ပါ ဒါက ငါးညှီနံ့ကိုလျော့ချင်လို့ပါပြီးရင်တော့ မြောင်းမြဒေါ်ချို အထုတ်ထဲက ငါးအသားနဲ့ ဂျင်းမိတ်သလင် ရောထားတာတွေ ကို ခုနက ဆူနေအောင်ဆက်တည်ထားတဲ့ ဟင်းရည်ထဲထည့်ပြီးမွှေပေးပါမယ်

ငါးကို ထပ်ထည့်တာ က ဟင်းရည်ပိုချိုအောင်ပါ အလွယ်မရရင် အဲဒီရယ်ဒီမိတ် အထုတ်နဲ့ပဲ ဖြစ်သလိုချက်ရင်ရပါတယ် (တချို့တချို့သော ကိုဂျီးများတွေ က ဖြစ်သလိုဆိုမစားချင်ဘူးပြောလို့ပါ နည်းနည်းဒုက္ခခံထားပါတယ် ငါးရိုးနွှင်ရတာ လက်လဲဆူးသွားပါတယ် နိုဝင်ဘာလအထိ ထားပါမယ် ကတိဟာ ကတိဖြစ်ပါတယ်)

ပြီးရင်တော့ အတူပါ ပဲမှုန့်ထုတ်ကိုလဲဖောက်ပြီးရေလေးနဲ့နည်းနည်းဖျော်ပြီးထည့်ပါတယ် နောက်ဆုံးအဆင့်အနေနဲ့ကတော့ ချို၊ငံ၊ပေါ့ မြည်းပေးပါ ပြီးရင် ငရုတ်ကောင်းကြိုက်တတ်ရင်သင့်ရုံလေးထည့်ပြီးတာနဲ့

အမွှေးနံ့ သင်းပျံနေတဲ့ မုန့်ဟင်းငါးကောင်းတခွက်၊တအိုး ရပါပြီ

တီချမ်း

၁၀း၀၃ နာရီ

ဧပရယ်လ ၄ ရက်နေ့ ၂၀၀၉ ခုနှစ်

နေအိမ်

ဘန်ကောက်